Uppselt á Júbílantahátíðina 16.júní!

Uppselt í Höllina! – Biðlisti eftir miðum

Kæru Júbílantar

Nú er svo komið að í fyrsta skipti í sögunni er uppselt á Júbílantahátíð MA-stúdenta þann 16. júní næstkomandi. Myndast hefur biðlisti eftir miðum frá æsispenntum afmælisstúdentum, sem ólmir vilja gleðjast með okkur. Ekki er unnt að bæta við miðum þar sem Höllin tekur ekki við fleiri gestum. Nefndin vill beina því til allra árganga að nýta alla miða, verði forföll. Einhverjir makar hafa nú þegar gefið eftir sína miða til að koma afmælisstúdentum til bjargar, og þökkum við þeim kærlega fyrir hugulsemina.

Við hvetjum tengiliði árganga til að hafa samband við nefndina ef þörf er á aðstoð. Ekki er hægt að skila miðum til Tix.is en vegna umframeftirspurnar úr öllum árgöngum ætti að vera hægt að nýta alla miða. Sendið okkur póst á jubilantar24@gmail.com.

Mikilvægt er að nefndin sé upplýst um breytingar á miðahaldi milli árganga, vegna skipulags á borðhaldi í Höllinni.

Kveðja undirbúningsnefndin

Velkomin á MA hátíðina 2024 – Júbílantahátíð útskriftarnema Menntaskólans á Akureyri

Júbílantahátíðin verður haldin sunnudaginn 16. júní 2024.

Forsala miða er hafin og stendur til 16. maí en þá hækkar miðaverð um 1.000 kr. Hægt verður að kaupa miða í veislu+ ball til 14. júní og á ballið alveg þar til það hefst að kvöldi 16. júní. Matseðilinn og grófa dagskrá kvöldsins má finna hér á vefnum undir Hátíðin

Athugið að allur ágóði af hátíðinni mun renna í Uglusjóð til styrktar námi og starfi í MA.

Hittumst hress og glöð í höllinni!

Undirbúningsnefnd júbílantahátíðarinnar er með netfangið jubilantar24@gmail.com